-
తమిళంలో హీరోగా మంచి క్రేజ్ అందుకున్న జీవీ ప్రకాశ్ కుమార్
హీరోగా తన ప్రత్యేకమైన గుర్తింపు సంపాదించుకోవడమే కాదు, మరో వైపు సంగీత దర్శకుడిగాను బిజీగా ఉన్నాడు. అంతేకాదు, అప్పుడప్పుడు నిర్మాతగా కూడా తన పేరును చర్చించుకునేలా చేస్తున్నాడు. ఇటీవల ఆయన నుంచి వచ్చిన సినిమా ‘కింగ్ స్టన్’, అడ్వెంచర్‌తో కూడిన ఫాంటసీ హారర్ మూవీ. కమల్ ప్రకాశ్ దర్శకత్వం వహించిన ఈ చిత్రానికి జీవీ ప్రకాశ్ కుమార్ సహనిర్మాతగా వ్యవహరించాడు.
మార్చి 7న థియేటర్లలో విడుదలైన ఈ చిత్రం, ఆశించిన స్థాయిలో ప్రేక్షకులను ఆకట్టుకోలేకపోయింది.
20 కోట్ల బడ్జెట్‌తో రూపొందిన ఈ సినిమా, కేవలం 5.35 కోట్ల రూపాయల మాత్రమే వసూలు చేయగలిగింది. దాంతో, భారీగా నష్టాలను మూటగట్టుకున్నట్లు స్పష్టమవుతోంది. అయితే, థియేటర్లలో నిరాశపరిచిన ఈ సినిమా ఏప్రిల్ 4 నుంచి నాలుగు భాషల్లో ‘జీ 5’లో స్ట్రీమింగ్ కానుంది.
నటీనటులు:
దివ్యభారతి, నితిన్ సత్య, అళగమ్ పెరుమాళ్, చేతన్ ప్రధాన పాత్రల్లో నటించారు.
కథ:
కథ సముద్రతీరంలోని ఒక జాలరి గ్రామాన్ని నేపథ్యంగా పెట్టుకుని సాగుతుంది. కొన్ని రోజులుగా చేపల వేటకు వెళ్లిన వారు తిరిగి రాకపోవడం అక్కడ భయాన్ని పెంచుతుంది. దానికి కారణం సముద్రంలో మరణించిన ఓ వ్యక్తి ఆత్మ అని ప్రచారం జరుగుతుంది.
ఈ భయాన్ని పోగొట్టేందుకు, ఆ ప్రచారంలో నిజం లేదని నిరూపించేందుకు హీరో బయల్దేరుతాడు. అయితే, అతను ఎదుర్కొన్న సవాళ్లు ఏమిటి? ఆ గ్రామాన్ని ఈ ఆత్మ నుంచి ఎలా కాపాడాడు? అనేదే కథ.
